ССМ ПОТПИСНИК НА НАЦИОНАЛНАТА ПРОГРАМА ЗА ДОСТОИНСТВЕНА РАБОТА 2026–2030 ГОДИНА

Денеска, во Владата, беше потпишана Националната програма за достоинствена работа за периодот 2026–2030 година, со која Владата, организациите на работодавачите и синдикатите ја потврдија заедничката посветеност на унапредување на условите на пазарот на трудот, отворање квалитетни и подобро платени работни места и поголема заштита на работничките права.

Програмата е изработена во соработка со Меѓународната организација на трудот (МОТ) и социјалните партнери, преку трипартитни консултации, и утврдува заеднички приоритети за справување со клучните предизвици на пазарот на трудот.

Програмата ги опфаќа следните приоритети:

Унапредување на условите за достоинствена работа преку подобро трудово законодавство, посилен социјален дијалог, побезбедни и поздрави работни места и одржливи претпријатија.

Развој на вештините за работните места на иднината преку унапредување на стручното образование, обуките и доживотното учење, во согласност со потребите на пазарот на трудот.

Поголемо економско зајакнување на жените преку еднакви можности и отстранување на пречките за нивно учество на пазарот на трудот.

Програмата предвидува и зајакнување на институциите на пазарот на трудот, подобрување на инспекцискиот надзор, унапредување на работничките права, зголемување на продуктивноста и намалување на неформалната економија.

Сојузот на синдикатите на Македонија (ССМ) е дел од ова заедничко залагање за достоинствена работа, социјална правда и подобра иднина за работниците, а на потпишувањето присуствуваше Иван Пешевски, потпретседател на ССМ.

Достоинствената работа е повеќе од работно место. Таа значи работнички права, еднакви можности, сигурност, достоинство и подобра иднина за сите.

#ССМ #ДостоинственаРабота #СоцијаленДијалог #РаботничкиПрава #СоцијалнаПравда #МОТ

International Labour Organization