На конференцијата свое обраќање имаа Шеамус Боланд, Претседател на Европскиот економско социјален комитет (ЕЕСК), Волфганг Кацијан, Претседател на Австриската федерација на синдикати (OGB) и претседател  на Европската конфедерација на синдикати (ETUC), Томас Вајц, член на Европскиот парламент и Известувач за Западен балкан, а покрај другите учесници, на конференцијата учествуваше и Претседателот на ССМ Слободан Трендафилов .

Повторно беше испратена јасна порака дека работниците, синдикатите и граѓанското општество мора да имаат суштинска улога во процесот на проширување на Европската Унија.

Во своето обраќање, Волфганг Кацијан – претседател на Австриската федерација на синдикати и претседател на Европската конфедерација на синдикати – истакна дека ,,нема суштински социјален напредок без силен социјален дијалог и активно учество на синдикатите.

- За оној што ги намалува работничките права, што ги напаѓа синдикатите и каде што нема реален социјален дијалог, не треба да има место во Европската унија"

Беше потенцирано дека иднината на регионот е поврзана со европските вредности, но и со обезбедување достоинствени услови за работа, социјална правда и почитување на работничките права.

Важен дел од дискусијата беше посветен и на соработката со социјалните партнери на Западен Балкан во евроинтеграциските процеси, како предуслов за стабилни и праведни општества.

Нема напредок без силни синдикати и без суштински социјален дијалог. Патот кон ЕУ треба да значи подобри услови за работниците, поголема социјална правда и активно учество на синдикатите во процесите на одлучување, беше еден од заклучоците на конференцијата.