Скопје нема ниту еден градежен инспектор кој би контролирал дали се почитуваат мерките за заштита при работа, вели за Детектор Иван Пешевски Заменик Претседател на Синдикатот на градежништвото индустрија и проектирање на Р.Македонија.

Тој вели дека во Македонија нема проблем со легислативата бидејќи закон има, но проблем и фактот дека тој закон едноставно нема кој да го спроведува, бидејќи воопшто и нема инспекциски служби.

„Прашајте слободно да видите дека во Скопје нема ниту еден градежен инспектор.  Ако излеземе по градилиштата ситуацијата е таа бидејќи нема кој да ги контролира. Не зборуваме за компании кои што навистина почитуваат социјален дијалог, кај што има синдикално организирани работници и каде што работодавачот вложува во лична заштитна опрема, но тоа не е репер тоа не е репрезент за нашето општество. Јас не сум слушнал дека некој е казнет или му се затворила фирмата поради тоа што не ги испочитувал мерките за безбедност и здравје при работа.
Пешевски вели дека поради немањето на инспектор и отсуството на контрола градежништвото е во ситуација кога се е оставено на совеста на работодавачите кои пак, мерките за безбедност и заштита при работа ги чувствуваат како некој директно да им удира по џебот. 

Линк од емисијата: https://www.youtube.com/watch?v=TCx_0YBveKk