2.6.2018
Слика 1. Претседателот на СМССМ, Ивановска на средбата со пратеникот Хакверди
Претседателот на Секцијата на млади на ССМ, (СМССМ), Ирена Ивановска, на 2 јуни 2018 година во х. Парк, Скопје, присуствуваше на средба со пратеникот од германскиот Бундестаг, г-дин Метин Хакверди во организација на Фондацијата Фридрих Еберт, канцеларија Скопје на која присуствуваше и директорката на ФЕС Скопје, Ева Елерајт.
Метин Хакверди (Metin Hakverdi) е пратеник на Социјал демократската партија на Германија (SPD) од 2008 година. Неговиот политички ангажман помеѓу другото е насочен кон прашања поврзани со Европската Унија, но истовремено е член и на парламентарната група за соработка со југоисточна Европа (Албанија, Косово, Црна Гора и Македонија).
Во рамки на неговата посета во Македонија беше предвидена средба со претставници на младинските организации во Македонија, на која тема на разговор беше перспективата на младите во Македонија и миграциските трендови, како и нивната перцепција и ставовите за процесите на европските интеграции.
Од страна на Претседателот на СМССМ, на средбата беше истакната и потребата од активно вклучување на младите во рамките на синдикатите со цел подобрување на социо- економската положба на младите преку еден институционализиран механизам на носење промени, токму преку синдикатот како еден од релевантните социјални партнери во Р. Македонија.