Денес, во Сојузот на синдикатите на Македонија се одржа средба помеѓу членови на Комисијата за преговори по предлог текстот на нов Закон за работните односи од ССМ и претставници на Министерството за труд и социјална политика.
На состанокот беше презентиран текстот на нов Закон за работните односи изготвен од страна на ССМ и доставен до МТСП, а подетално беа образложени и сите предложени измени кои се составен дел во предложеното Законско решение од страна на ССМ, а кои се исклучиво во насока на унапредување на работничките права и нивно приближување со правата кои ги имаат работниците во ЕУ.
Сојузот на синдикатите на Македонија, е единствениот социјален партнер кој изготви свој текстот на нов Закон за работните односи, а со тоа уште еднаш ја потврди позицијата на заштитник на работничките права во Македонија.
Слика 1. Членовите на Комисијата од ССМ и претставниците од МТСП