По повод 20-ти Јуни, Денот на градежните работници, се одржа свечена седница на Советот на СГИП. Исто така, традиционално се одржа и средба со поранешните активисти на СГИП, членови кои дале голем придонес во развојот на синдикалното движење во изминатите години во нашата Република.

Во знак на почит кон поранешните синдикални активисти и првиот штрајк на градежните работници во Република Македонија, во 1936 година, се положи свежо цвеќе пред спомен одбележјето кај Градската болница во Скопје.

Ова е гордост, но воедно и поттик, за сите наши работници и членови на синдикатот, да ја продолжат својата активност во остварувањата на правата на работниците преку Синдикатот.

Слика: Положување цвеќе пред спомен одбележјето кај Градска болница, Скопје