PERC PAN-EUROPEAN TRADE UNION COUNCIL
Жалиме за одлуката на Европскиот совет за неотпочнување на преговорите за пристапување во ЕУ на Република Северна Македонија и Албанија и ја изразуваме нашата солидарност со работниците и нивните синдикати од овие земји. Тие се соочуваат со огромни предизвици како дефицит на пристојни работни места, ниски плати, високо ниво на неформална работа, непочитување на законот, како и систематско кршење на основните права и слободи на работниците.
Отпочнувањето на преговорите можеше да значи справување и решавање на овие предизвици во овие земји, како и потврда на значајната улога на социјалните партнери во градењето одржливи, инклузивни и демократски општества.
Ги повикуваме лидерите на Република Северна Македонија и Албанија да ги почитуваат основните права на работниците во согласност со нивните меѓународни обврски, да обезбедат владеење на правото и да го промовираат Европскиот социјален модел.
Ги повикуваме лидерите на Европската унија да започнат преговори за членство, но и да обезбедат дека правата на работниците се соодветно третирани и дека синдикатите се составен дел од тој процес.
Ја повикуваме Европската комисија да ја ремоделира политиката на проширување на ЕУ, со поголемо внимание на социјалните права и заштита и со обезбедување на целосна вклученост на синдикатите преку социјалниот дијалог, како на европско така и на национално ниво.
https://www.etuc.org/en/document/statement-albania-and-north-macedonia-accession-eu