Во име на Сојузот на синдикатите на Македонија, претседателот на ССМ, Дарко Димовски на Вас и на Вашите членови Ви го честита 7ми Април, Светскиот ден на здравјето на сите здравствени работници во државата.
Во овие тешки времиња и услови на здравствена криза, здравствените работници се постојано во првите борбени редови, несебично борејќи се да го зачуваат здравјето на сите нас. За нивната посветеност и пожртвуваност им оддаваме длабока почит и искрено веруваме дека сите заедно ќе ја надминеме оваа стресна ситуација.
Принципите на хуманост, солидарност и еднаквост се во основата на функционирањето на синдикатите, а во овие тешки времиња, овие принципи добија универзално значење и станаа принципи од кои зависи опстанокот на сите луѓе во светот.