ССМ НЕМА ДА ОТСТАПИ ОД БАРАЊЕТО СУБВЕНЦИИТЕ ЗА ПЛАТИ ДА ОДАТ ДИРЕКТНО НА СМЕТКИТЕ НА РАБОТНИЦИТЕ
Недопустливо е работниците во време на Ковид-19 криза да останат без плати кои чесно си ги изработиле и без субвенциите обезбедени на наше барање од нашиот социјален партнер Владата.
Алчните газди по 5ти пат оставија работници без никаква егзистенција, а иако УЈП овој пат дејствуваше веднаш, се покажува дека и тоа не е доволно и дека и покрај сознанијата и информациите во јавноста кои ги изнесуваме и ние и државните институции за одговорноста за овој вид на злоупотреби, повторно има работодавачи кои немаат милост ниту спрема работникот ниту пак се плашат од државата и од казни.
Затоа, ССМ покрај паричните казни, бара и кривична одговорност, зошто законот е еднаков за сите и не познава газди, граѓани или работници, тој е еднаков за сите.