16.12.2016
На 16 декември 1966 година, Генералното собрание на Обединетите нации усвои два меѓународни договори кои засекогаш ќе ги обликуваат меѓународните човекови права: Меѓународниот пакт за економски, социјални и културни права (ICESCR) и Меѓународниот пакт за граѓански и политички права (ICCPR).
Меѓународниот пакт за економски, социјални и културни права го утврдува правото на работа, праведни и фер услови за работа, слободата на здружување и го признава правото на штрајк.
Овој ден претставува значаен ден за синдикалното движење ширум светот и во своето обраќање по повод одбележувањето на овој ден, генералниот секретар на Европската конфедерација на синдикати, Лука Висентини, меѓу другото, истакна: "Меѓународниот пакт за социјални права претставува пресвртница во правата на работниците ширум светот. Но, сепак, 50 години подоцна, тој се уште не е соодветно спроведен дури ни во ЕУ. Тој треба да биде задолжително четиво за судиите во Европскиот суд за правда и креаторите на политики насекаде и воедно треба да постои соодветно воспоставен систем за жалби во ЕУ доколку овој Пакт не се почитува".