Сектор за организациски развој, зачленување и мобилизација на членството, комуникација, медиуми

Inda-Savic

Секретар на секторот е Инда Савиќ.

Секторот ги врши следниве задачи:

Организациски развој

континуирано ја следи и анализира организационата поставеност на Сојузот на синдикатите на Македонија, начинот на нејзиното функционирање и во таа смисла дава препораки и мислења за влијанието во остварување на основните програмски цели и задачи;
се грижи за примената и заштитата на уставно загарантираните синдикални права и слободи и принципот на доброволност во организирањето и здружувањето;
предлага начини и методи на зачувување на единството и заедништвото на членството на сите нивоа на организираност и изградба на ССМ како организација на здружени синдикати;
ја развива соработката и практикува позитивни искуства од европското и светско синдикално движење со цел за осовременување на методите на дејствување и изградба на синдикат кој ќе биде дел од општиот глобален систем на организација и дејствување на синдикалното движење;
дава мислење за прием, истапување и исклучување на членките од Сојузот, како и за спојување, односно окрупнување на синдикатите;
се ангажира за спроведување на одлуките и заклучоците на органите на Сојузот на синдикатите на Македонија;
соработува со синдикатите во остварување на целите и задачите утврдени во Програмските насоки и резолуциите усвоени на Конгресот;
ги организира седниците на Статутарната комисија и подготвува работни материјали;
ја координира работата на регионалните синдикални совети;
ја координира работата на Секцијата на жени и Секцијата на млади при ССМ;
ја развива соработката со социјалните партнери и се ангажира за унапредување на работата на Економско-социјалниот совет;
обмислува и предлага начини на користење на средствата на синдикална борба, вклучувајќи го штрајкот, социјалните јавни протести и сл.
остварува соработка со невладини организации и здруженија на граѓани и политички партии за прашања од интерес за членството;

Зачленување и мобилизација на членството

во соработка со синдикатите и регионалните синдикални совети утврдува стратегија и презема активности за синдикално организирање на работниците во трговските друштва и установите.
води единствена евиденција на синдикалното членство по синдикати, региони и синдикални организации во базата;
континуирано го следи и анализара прибирањето на членарината и учествува во разрешувањето на проблемите што се јавуваат на овој план;
придонесува во развивањето на воспоставената мрежа на комуникација и активности меѓу членовите на синдикатите на сите нивоа на организирање;

Комуникации и медиуми

го организира информирањето во Сојузот на синдикатите на Македонија;
го информира членството и јавноста за активностите на сите нивоа на синдикалното организирање во рамките на ССМ преку: издавање на гласилото на ССМ “Синдикален живот”; организирање прес-конференции, брифинзи и средби со новинари; подготовка на соопштенија, известувања, информации; редовни контакти со електронските и печатени медиуми и агенции;
подготвува информативен материјал за синдикалното членство и јавноста;
подготвува информации за седниците на Советот на ССМ за активностите на ССМ помеѓу две седници;
подготвува информативни материјали за активностите на ССМ и ги доставува до меѓународни синдикални организации, асоцијации и национални синдикални централи;
ги документира објавените материјали во печатените и електронски медиуми;
се ангажира за отворање и креирање на Веб страна на ССМ и нејзино надградување;
организира обука за односи со јавноста и значењето на информирањето со која се опфаќаат гранските синдикати, регионалните и основните синдикални организации;
спроведува анкети меѓу членството на различни теми според потребите на ССМ и синдикатите и др.